Katar 2022
Kombëtarja e Shpresave kuqezi nis një grumbullim disa ditor nga 18-25 janar. Trajneri Alban Bushi do të jetë ditën e nesërme, pjesë e një konference për shtyp, ndërsa të mërkurën, përfaqësuesja jonë U21 do të grumbullohet në Durrës.
Në urdhrat e trajnerit Alban Bushi do të jenë vetëm futbollistët që ai ka thirrur nga jashtë vendit, ndërsa lojtarët që aktivizohen në Shqipëri, do të vëzhgohen nga trajneri i Shpresave gjatë javëve në vijim.
Në fakt, ky grumbullim i Kombëtares U21 ishte programuar për t’u zhvilluar në Antalia, ku do të organizohej edhe një mini-turne.
Por, ekipet pjesëmarrëse të Ukrainës dhe Skocisë nuk kanë pranuar në fund dhe për këtë arsye Kombëtarja jonë U21 ka vendosur që grumbullimin ta zhvillojë në Durrës.
