Kombëtarja shqiptare e futbollit është nisur në orën 9:25 drejt Turqisë, për t'u akomoduar në Stamboll në lidhje me ndeshjen ndaj kombëtares turke. Ndeshja luhet nesër në orën 20:45.
Mesa duket ekipin do e presë një festë në tokën turke dhe nuk bëhët fjalë për rezultat sportiv. Tekniku Edi Reja shuan sot plot 74 qirinj. Stafi i Federatës me gjasë ka përgatitur diçka speciale për ditëlindjen e timonierit të stolit. Me një karrierë të pasur në trajning, Reja numëron një numër të madhe klubesh të udhëhequra. Ndër to mund të përmendim: Bolonjën, Breshian, Torinon, Genoan, Napolin, Atalantën dhe Lacion. Pikërisht këta të fundit e kanë uruar ish teknikun e tyre me një urim në profilin zyrtar në facebook. Klima përpara ndeshjes me Turqinë duket të jetë pozitive, kjo edhe për shkak të kësaj ditëlindje.
