Tirana dhe Vllaznia është një prej sfidave të javës së 34, që luhen sot në orën 17:15 për llogari të Abissnet Superiore. Takimi zhvillohet në “Selman Stërmasi”, ku skuadrat vijnë me llogari të ndryshme. Tirana tashmë si kampione e sezonit 2021/22, ndërsa shkodranët e vendit të tretë në kërkim të pikëve që u sigurojnë zonën e Europës para finales së Kupës.
Së fundmi janë zbuluar dhe arbitrat e ndeshjes. Drejtësia i është besuar si kryesor Kreshnik Cjapit, që do ketë asistentë në fushë lezhjanin Ridiger Çokaj dhe kryeqytetasin Ani Koçiaj, arbitër i katërt do jetë kryeqytetasi tjetër Daniel Vrapi. Ndërsa VAR i është besuar Enea Jorgjit. Kjo sfidë është klasikja e futbollit shqiptar dhe vëmendja është gjithmonë maksimale.