Shpëtim Duro ka dalë në konferencë për shtyp një ditë para ndeshjes kundër Kukësit. Trajneri i Flamurtarit tregon rëndësinë e sfidës së nesërme, por gjithashtu nuk harron të kujtojë edhe ndeshjet e gjysmëfinaleve të Kupës së Shqipërisë. Fillimisht tekniku kryeqytetas foli për takimin ndaj verilindorëve dhe sfidat kundër Skënderbeut.
“Nesër luajmë me Kukësin ku sigurisht është një sfidë mjaf delikate dhe e rëndësishme, ashtu si tre ndeshjet që kemi me Skënderbeun si në kampionat dhe në gjysmëfinalet e Kupës së Shqipërisë. Janë katër ndeshje që vendosin fatet e sezonit“, tha fillimisht ai.
Më pas foli për rikthimet në skuadër: “Për Kukësin kemi të gatshëm 100% Nurkoviç dhe Tunkara. Muarem nuk është në formë maksimale, por do të jetë pjesë e 18-shes“.
Në fund preku edhe dënimin e Skënderbeut nga UEFA: “Nuk kemi punë me rivalët, por të shohim vetëm veten tonë. Nuk e kam dashur kurrë dënimin e Skënderbeut, pasi dëmton futbollin tonë“, ka deklaruar Duro.
Loading ...
Leave a Reply
You must be logged in to post a comment.