
Ekipet e Kategorisë së Parë do të zbresin në fushë për të zhvilluar mes tyre ndeshjet e javës së 13-të të kampionatit. Duele direkte për mbijetesë dhe pr “Play-Off” janë në program, të cilët do të luhen ditën e dielë dhe të hënë në orën 13:30.
Kështu ditën e dielë do të luhen 4 takime. Korabi do të presë Besën, ndërsa Burreli udhëton në transfertë për të sfiduar Valbonën. Flamurtari pas humbjes në Kupë synon fitoren në kampionat ndaj Erzenit, ndërsa dueli tjetër do të jetë mes Kastriotit dhe Apolonisë.
Ndërkohë ditën e hënë do të jetë radha e 4 ekipeve për të kërkuar fitoren. Kukësi synon vazhdimësinë në kampionat dhe pret në shtëpi skuadrën e Vorës. Paralelisht do të luhet edhe në Pogradec, ku vendasit duelojnë me Lushnjen.
