Besa mori një fitore shumë të rëndësishme ndaj Flamurtarit. Tashmë kavajasit janë vetëm 1 pikë larg vlonjatëve dhe do të luftojnë deri në fund për ngjitjen direkte në Superiore.
Pas këtij triumfi ka folur Emiliano Çela. Mjaft i gëzuar dhe lumtur është timonieri i kavajave, i cili theksoi se ka punuar shumë për këtë ditë. Ndër të tjera nënvizoi se besojnë deri në fund për Superioren edhe pse nuk është gjithçka në dorën e tyre.
“Ishte një fitore shumë e rëndësishme për ne. Ishte shansi i fundit për të hyrë në Superligë. Ekipi bëri një paraqitje të mirë, fituam ndaj një rivali direkt. Asnjë moment nuk e kemi humbur besimin. Të gjithë lotjarët besuan, sakrifikuan dhe tashmë jemi këtu për të bërë më të mirën. Kemi dhe 2 ndeshje që do të tentojmë maksimumin e pikëve për t’u ngjitur. E dimë se asgjë nuk është në dorën tonë, por do të besojmë deri në fund.
Sa e vështirë ishte? Nuk e kisha menduar të nisja ndeshjen me gol dhe të ishte e tillë. Fokusi ishte të qarkullonim topin, se kundërshtari do të na ushtronte trysni. Duhet të mbanin topin nën kontroll dhe ta godisnim më pas. Goli erdhi pas një gabimi të portierit kundërshtarë, ku më pas tërhoqa lojtarët që të tregoheshin të kujdesshëm.
Ne kishim për gatitur uniforma të ndryshme për lojën pa top. Kam provuar vendosje të ndryshme të futbollistëve në fushë. Kemi punuar që Nonato të kapte disa zona të caktuara. Në disa raste nuk e kuptonin, por në fund u zgjidh me sukses.
Kush janë pishmanet e Çelës në fillim të aventurës te Besa? Humbja me Erzenin është e pafalshme. Të gjitha rezultatet janë marrë me shpirt nga skuadra. Më është dashur të punoja fort derisa ekipi të merrte direktivat e mua. Do doja që kampionati të rifillonte më vonë, por tashmë humbja me Erzenin vazhdon të më rëndojë.
Çfarë ndodhi në fund? Unë jam ish- futbollist i Flamuartarit, ish-trajner i Flamuartarit dhe nuk dua të flas për gjëra jashtë futbollit. Pamjet janë aty dhe mund t’i shihni shumë mirë”, ka deklaruar timonieri i kavajasve.
Lexo gjithashtu
