Karriera përrallore e shqiptarit, nga Ramiz Sadiku te kapiten në Kroaci

Amir Rrahmani është një nga mbrojtësat më të talentuar që ka prodhuar së fundmi futbolli shqiptar. Karriera e tij është mjaft interesante pasi ka ardhur në një ngritje graduale qe nga fillimet e tij në Kosovë te ekipi i Ramiz Sadikut e deri në fundjavën e kaluar ku zbriti në fushë si kapiteni i RNK Splitit në Kroaci.

22-vjeçari e filloi karrierën te Ramiz Sadiku në Kosovë dhe më pas luajti po në Kosovë me Drenicën. Partizani në Shqipëri ishte hapi i madh në karrierën e tij teksa gjatë asaj eksperience u grumbullua edhe në përfaqësuesen U-21 të Shqipërisë. Pas Partizanit erdhi transferimi në Kroaci te RNK Split ku u aktivizua titullar që në fillim dhe në ndeshjen hapëse të kampionatit kroat këtë sezon zbriti në fushë me shiritin e kapitenit.

Rrahmani grumbullohet rregullisht edhe në përfaqësuesen e Shqipërisë edhe pse nuk u zgjodh nga De Biazi në 23-shen e EURO 2016.