Myrto Uzuni është një nga lojtarët shqiptar më të përfolur të momentit. Sulmuesi beratas me golin e shënuar ndaj Juventusit dhe me festimin si Ronaldo mori vëmendjen e të gjitha mediave të huaja. I ftuar në emisionin “Sport Time”, në Supersport, Uzuni foli për sfidën ndaj Juventusit dhe bisedën me Ronaldon e Moratan.
“Besoj se një lojtar duhet të ketë në kokë qëllimet e tij dhe menaxheri ka punë të rëndësishme te një futbollist. Kam pasur shumë brryla në karrierën time, por unë i kam objektivat e qarta dhe do të vazhdoj me këto ritme”.
Festa si Ronaldo? “Nuk e kisha menduar si festim, por unë e ndjek shumë Juventusin dhe shkova direkt te këndi dhe festimi erdhi instiktivisht. Ronaldo më përgëzoi në fund të ndeshjes, ndërsa Morata më komplimentoi gjatë kohës që po jepnim intervista duke më thënë që bëra një ndeshje të madhe. Nuk është pak që merr përgëzime nga dy lojtarë të mëdhenj si Ronaldo dhe Morata e nuk e prisja.
Kemi një ndeshje të rëndësishme nesër në kampionat dhe ne kemi si objektiv të dalim kampion. Juventusi ngelet pas tani e po mendoj për ndeshjen e nesërme e shpresoj të shënoj gol. Dua të shënoj më shumë gola dhe të ardhmes së nuk i dihet asnjëherë.
Pozicioni i ri në fushë dhe Kombëtarja? “Unë luaj në 3 pozicione në sulm, por si sulmues i parë kam më shumë mundësi të shënoj gol. Në Kombëtare luajtëm ndaj Bjellorusisë, ndërsa me Ferencavaros luajtëm ndaj Juventusit dhe kjo ka një ndryshim të madh.
Unë eci me hapa të sigurtë dhe dua t’I marrë hapat një e nga një. Kam marrë shumë urime për golin ndaj Juventusit, por më të rëndësishme ishin nga familja ime. Jam shumë I lidhur me qytetin e lindjes pasi aty kam nisur karrierën time, ndërsa familja ime jeton me mua prej dy muajsh në Hungari”.
Loading ...
