Nëse në të gjithë vendet e tjera në Europë kanë nisur apo janë përcaktuar kalendaret e zhvillimit të ndeshjeve, në Shqipëri ende nuk po gjendet zgjidhje për këtë problem. Drejtuesit e FSHF-së ende nuk kanë dhënë një njoftim të saktë, ndërsa nuk ka një datë për të mësuar se kur do të hidhet shorti për sezonin e ri futbollistik në Superiore.
Ndoshta, pjesëmarrja e skuadrave shqiptare në kompeticionet europiane e ka vonuar këtë gjë, por që shumë klube presin që të bëjnë lëvizjet e fundit duke u bazuar te kalendari. Por, sipas burimeve të "newsport.al", mësohet se brenda javës që do të nisë nesër pritet që të ketë dhe një mbledhje që do të caktojë shortin dhe javët e kalendarit të Superiores. Gjasat janë që pas takimit Krasnodar - Partizani mund të ketë hedhje të shortit, pasi do të shihet dhe ecuria e "demave" në Europa League.
Lexo gjithashtu
