Tirana ka fituar në derbi ndaj Partizanit me rezultatin 2-1, pas 5 vitesh. Një fitore që pritej prej kohësh në kampin bardheblu dhe tashmë po festohet nga të gjithë tifozët, lojtarët por edhe ish të kësaj skuadre. Një prej tyre është edhe mbrojtësi i Bylisit, Jurgen Goxhaj, i cili deri sezonin e kaluar ka veshur fanelën bardheblu.
Në rrjetin e tij social Goxhaj ka postuar foton me mbishkrimin në gjuhën italiane: “Je e bukur si një gol në minutën e 90”. Mbrojtësi Goxhaj i gëzohet dyfish kësaj fitoreje. Njëherë si tifoz bardheblu dhe një ish i tyre dhe nga ana tjetër si futbollist i ekipit të Bylisit, të cilët ndodhen në vendin e tretë të renditjes me 23 pikë dhe tani kanë shansin e artë ta kalojnë ekipin e kuq.
