Ditën e nesërme do të luhet finalja e madhe e UEFA Conference League në stadiumin tonë kombëtar, “Air Albania”. Roma dhe Feyenoord do të përplasin “brirët” në këtë finale të madhe, që është e para në kompeticionin më të ri nga UEFA.
Vëmendja është e madhe për këtë takim, sidomos nga italianët, që pritet të jenë të shumtë në Tiranë për të mbështur skuadrën e Romës. Po përveç tifozëve të shumtë, do të ketë edhe personalitete shumë të njohura në tribunat e “Air Albania”.
Legjenda e Romës, Francesco Totti, ka konfirmuar prezencën e tij për finalen. Përveç Tottit, në stadium do të jetë edhe trajneri i madh italian, Antonio Conte. Pasi kualifikoi Tottenham në Champions League, Conte pritet të marrë avionin nga Anglia dhe të zbarkojë në Tiranë, për të ndjekur këtë sfidë. Gjithashtu, edhe shumë politikanë e këngëtarë italianë, do të jenë në “Air Albania” natën e finales.
