Ndonëse kanë kaluar dy vite që prej Big Brother Vip 1, Beniada vijon të jetë në qendër të vëmendjes si dhe kurioziteti për jetën e saj është i madh.
Edhe pse ka preferuar që jetën e saj private ta mbajë sa më të fshehtë, modelja sot është “dorëzuar”, dhe ka folur për njeriun që i ka vjedhur zemrën. Ajo ka pohuar se është e dashuruar dhe se ndihet me fat që e ka pranë.
Nuk ka dashur të tregojë emrin e tij, megjithatë mediet rozë kanë raportuar kohë më parë që është në një marrëdhënie me Blerti Hajdarin, ish lojtarin e Tiranës.
“Mendoj që dashuria është gjëja më e bukur që një person mund të ketë. Jam shumë e lumtur tani, nuk kam qenë asnjëherë kaq e lumtur. Jam shumë me fat. Gjërat e bukura janë kur i merr me qetësi dhe dashuri”, tha ajo, duke rrëfyer se puthja e parë mes saj dhe të dashurit ndodhi gjashtë muaj pas njohjes.
