Përpos ekipit të parë, klubi i Tiranës ka nisur punën dhe për Akademinë. Nëpërmjet një njoftimi në kanalin zyrtar bëhet me dije që terrenet sportive janë gati të presin të gjithë grupmoshat për rikthimin te futbolli, sigurisht duke zbatuar me rigorizitet protokollin sanitar.
Klubi bardheblu fton secilin që ka dëshirë të bëhet futbollist, t’i bashkohet akademisë kryeqytetase.
“Akademia e futbollit Tirana rinis stërvitjen. Pas masave të marra nga klubi për dizifektimin e të gjithë ambjenteve të kompleksit “Skënder Halili”, terrenet sportive janë gati të presin të gjithë grupmoshat për rikthimin tek futbolli duke zbatuar rigorozisht protokollin zyrtar.
Për çdo informacion mund të kontaktoni [email protected] ose me mesazh në faqet e Instagram dhe Facebook!”, shkruhej në njoftimin e klubit të Tiranës.
Lexo gjithashtu
