Në vetëm 5 javë të Superligës, në 10 skuadra që janë në total në elitën e futbollit shqiptar ka pasur tre lëvizje trajnerësh. Adolfo Sormani është larguar tashmë nga stoli i Partizanit, ashtu si Çezare Bexhi nga Teuta dhe Marselo Troisi nga Laçi. Zëvendësuesit e tyre janë përkatësisht: Sulejman Starova te të kuqtë, Roberto Çevoli te skuadra durrsake dhe Ramadan Ndreu te ajo kurbinase.
Ndërkohë që sot, të tre trajnerët që kanë marrë së fundmi detyrat e reja në skuadrat respektive do të debutojnë në Superligë për këtë sezon. Për Starovën dhe Ndreun nuk është një gjë e re, pasi janë emra të njohur të futbollit shqiptar, ndërsa për Çevolin e Teutës, sfida ndaj Skënderbeut do të jetë e para në Superligë.
Ndërkohë që si për rastësi, Partizani i Starovës udhëton nesër drejt Laçit të Ndreut. Një duel interesant edhe për këtë fakt.
Lexo gjithashtu
