Zbulohen arsyet pse nuk u filmua dhe fotografua flamuri më i madh i Europianit, 11 mijë metra katrorë, që u mbajt nga 700 tifozë kuqezi. I tregon ideatori Rinor Sllova, i cili grumbulloi 15 mijë euro për ta realizuar këtë vepër. Në Marsejë, disa orë përpara ndeshjes me Francën, shumë shqiptarë të mbledhur në “Fan Zone” u bën pjesë e organizimit për të bashkuar pjesët e flamurit gjigant, por nuk ka asnjë foto apo video.
Rinor Sllova – Gjithçka e ka penguar një ligj i autoriteteve franceze, sipas së cilit, asnjë mjet i paautorizuar s’duhej të fluturonte në qiell gjatë kohës së Europianit, sidomos në atë sfidë të rëndësishme, që mund të ishte në shënjestër të sulmeve terroriste. “Vërtet më vjen keq, që s’na u lejua të filmojmë me drone, por jo për faijn tone. Shteti francez e kishte vendos këtë ligj për të gjithë shtetet, që mos me pas në hapësirë ajrore asnjë mjet fluturues. Besoj që të gjejmë mirëkuptimin tuaj, por premtoj se shume shpejt do e shikoni në një vend tjetër, ku do ketë mundsi edhe për drone edhe për pamjen reale të këtij flamuri …Me respekt”. Ky është statusi i ideatorit të flamurit gjigant, që mund të ishte futur në librin “Guinness”, nëse do të ishte hapur në stadium.
