Roma luan nesër takimin e radhës në Europa League. Verdhekuqtë udhëtojnë në “Boras Arena”, ku sfidojnë Elfsborg, nënkampionët e Suedisë edicionin e kaluar, sfidë që starton në orën 21:00.
Lajmi më i rëndësishëm para kësaj sfide është fakti se Paulo Dybala është grumbulluar. Argjentinasi pësoi një sforcim te këmba e majtë në ndeshjen e javës së kaluar kundër Bilbaos. Ky dëmtim e la jashtë kundër Venezias në Serie A.
Gjithashtu Gianluca Mançini është grumbulluar me ekipin e parë për sfidën europiane dhe kjo gëzon stafin teknik të italianëve. Qendërmbrojtësi ndjeu shqetësim tek muskujt në ndeshjen e fundit në kampionat. Dyshohej për një tendosje të muskujve por në fund rezultojë dëmtim jo serioz.
Mungesa e Enzo Le Fee shqetëson stafin, i cili pritet të jetë nën urdhërat e trajnerit të ri Ivan Juriç vetëm pas ndeshjeve të Nations League.
Lexo gjithashtu
