Mbrojtësi italian i Kamzës Klaudio Bonani konsiderohet si një ndër lojtarët më interesantë për t’u parë në këtë edicion të ri të Superligës. I formuar te akademia e Milan, Bonani do të nis një aventurë të re siç thotë dhe vetë për herë të parë jashtë Italisë.
Në një prononcim për Supersport, Bonani theksoi se projekti i Kamzës e bindi të vinte në Shqipëri dhe se beson se do bëjë më të mirën. “Jam i lumtur këtu. Është hera e parë që luaj jashtë Italisë dhe mezi pres që të debutoj. Këtu më kanë pritur shumë mirë, ambjenti është mjaft komod, ndërsa projekti i skuadrës më bindi që të vija”, tha talenti italian.
Ndërkohë Bonani foli edhe për ndeshjen kundër Tiranës, duke i bërë të qarta synimet për këtë takim. “Ne hyjmë në çdo ndeshje për të fituar. Me Tiranën do të jetë e vështirë por ne do përgatitemi sa më mirë”, e mbylli fjalën e tij 21-vjeçari.
Loading ...
