Katar 2022
Zekerija Ramadani ka marrë drejtimin e stolit të skuadrës së Trepça ’89 që militon në Superligën e Kosovës.
Ish-trajneri i Shkupit, i cili u bë i njohur në Shqipëri sezonin e shkuar kur drejtoi Flamurtarin do të nisë tani një aventurë tjetër duke marrë një ekip që pretendon titullin në Kosovë.
Pas arritjes së marrëveshjes, trajneri Ramadani u shpreh: “Falënderoj Presidentin Zeka për besimin që më dha për të udhëhequr ekipin, për të cilin kam fjalë të mira për rezultatet e arritura deri më tani.
E kam ndjekur kampionatin e Kosovës dhe skuadrën e Trepça ’89, e cila ka një grup futbollistësh cilësorë. Besojmë që do vazhdojmë aty ku e kanë lënë”.
