Vllaznia do të luajë sot në transfertë kundër Bylisit, ndeshje e vlefshme për javën e 33-të të Superiores. Shkodranët do të tentojnë të marrin një rezultat pozitiv për të arritur objektivin, renditjen mes 4 vendeve të para.
Trajneri Thomas Brdariç ka përgatitur për gjatë gjithë javës këtë sfidë dhe siç mësohet, ka zgjedhur të bëjë ndryshime edhe në formacionin titullar. Tekniku i shkodranëve do të hedhë në fushë nga minuta e parë, sulmuesin Albion Avdijaj që do të luajë në krah të Imerit.
Sakaq pjesa tjetër e formacionit do të jetë e njëjtë. Gjasat janë që Vllaznia të zbresë në fushë me këtë 11-she titullare: Zogoviç, Gurishta – Shehi – Adili – Isaevski, Krymi, Marku – Jonuzi – Hoxhaj, Imeri – Avdijaj
Kujtojmë që Albion Avdijaj iu bashkua shkodranëve në merkaton e dimrit teksa u largua nga Tirana për kuqeblutë.
Loading ...
