Riza Hicka, ish-jurist i Tiranës shpërtheu mbrëmjen e djeshme në emisionin "Fair Play" të Enkelejda Zekos në Ora News kundër gazetarëve në panel dhe presidencës së klubit dhe në vecanti me gazetarin Xhevdet Zekaj.
Diskutohej për Tiranën, krizën, borxhet dhe të ardhmen e saj ndërkohë që panelistët kanë ngritur shpesh tonet.
"Sa kam ndenjur unë te Refiku, asnjë nga këta nuk ka qëndruar" tha me tone të ashpra Riza Hicka.
"Refiku më ka gjetur mua atje, sepse aty me kanë gjetur të gjithë. Dhe çfarë kontributesh kam dhënë unë aty, s'ka dhënë asnjë këtu. Aq sa kam mundur. Po të garantoj për një gjë. Ti thua njëtë mijtën e sakrificave që ka bërë Halili, sepse unë di më shumë se ty. Këtu nuk jemi për të thënë se çfarë ka bërë Halili, por për të thënë të vërtetën. Halili është kriza e Tiranës" shpërtheu avokati në studio.
Gazetari Xhevdet Zekaj e ka kundërshtuar duke thënë se pohimi i bërë nga avokati është i pavërtëtë.
"Shohim disa ekipe të superligës në krizë. Kjo nuk është e vërtetë. Gjirokastra pa lekë, Vlora pa lekë...të gjithë skuadrat pa lekë janë. Kurse ky (Halili) i jep lekët" tha Zekaj.
Argumenti nuk i ka pëlqyer Hickës që i ka kërkuar Enkelejda Zekos të vërë rregull.
"Nëse kemi ardhur për kampionatin shqiptar, unë po çohem e po iki, se unë nuk kam ardhur për kampionatin shqiptar. Kam ardhur për krizën e Tiranës dhe dy janë gjërat për mendimin tim: nuk janë seriozë dy donatorët. Presidenca nuk është serioze dhe nuk kanë financa. Të tjerat janë dytësore, janë lojtarë të mirë a të këqij, janë afruar apo jo lojtarë, ato janë gjera që kanë të bëjnë me seriozitetin e klubit" tha Hicka.
Debati ka vazhduar me tone të ashpra
ndërmjet të ftuarve, derisa në linjë të drejtpërdrejtë ka hyrë edhe vetë presidenti i Tiranës Refik Halili për të sqaruar disa nga të pavërtetat e thëna në emision.
Lexo gjithashtu
