Klubi i Interit në prag të ndeshjes kundër Real Sociedad në Champions League ka komunikuar një lajm aspak të mirë. Skuadra zikaltër nuk do të ketë në dispozicion Hakan Calhanoglu për këtë sfidë.
“Hakan Calhanoglu nuk do të jetë në dispozicion të Simone Inzaghit për ndeshjen e Champions League kundër Real Sociedad për shkak të lodhjes së kofshës së majtë”, shkruan klubi italian.
Një lajm i keq për Interit, por i mirë për Kristjan Asllanin. Me shumë gjasa Inzaghi do ta nisë sfidën me mesfushorin nga Elbasani si titullar, pasi shpesh herë ka thënë që Asllani është pikërisht zëvendësuesi i turkut, Calhanoglu.
