Trajneri i Juventusit, Massimiliano Allegri foli në konferencën për shtyp në prag të ndeshjes me Udinesen që do të luhet nesër. Tekniku i bardhezinjve nuk dorëzohet për titullin kampion edhe pse i vlerëson zikaltërit si skuadrën më të fortë të momentit. Sipas tij, Interi nuk është një skuadër që doli favorit dje, por ka qenë që nga fillimi i sezonit.
“Ne kemi 53 pikë dhe rikthimi nesër te fitorja do të ishte shumë e rëndësishme, sepse do të largoheshim nga vendi i pestë, gjithashtu do të ktheheshim në -4 nga Interi. Ne po bëjmë rrugëtimin tonë, Interi po bën gjëra të jashtëzakonshme. Në 2024 ata luajtën 7 ndeshje dhe kanë fituar 7. Për momentin skuadra më e fortë është në krye të kampionatit. Interi është favorit që nga fillimi dhe do të jetë deri në fund, nuk u bë dje favorite."
Si është skuadra mendërisht pas humbjes ndaj Interit?
"Ata janë mirë, humbja e një ndeshjeje direkte është në rregull dhe ne e bëmë atë kundër një ekipi që po bën gjëra të jashtëzakonshme. Një ndeshje nuk të bën të hedhësh gjithë punën që ke bërë gjatë muajve, përkundrazi, ne kemi mësuar shumë dhe shpresojmë ta vëmë në veprim nesër", tha Allegri.
Lexo gjithashtu
