Paolo Dybala ka vendosur të mos rinovojë kontratën me Juventusin. Sulmuesi argjentinas dhe bardhezinjtë kishin gjetur akordin pak muaj më parë për një kontratë të re me një pagë 8 milionë euro në sezon plus 2 bonuse, por Juventusi ka bërë hapa pas dhe i ka kërkuar Dybala të presë ende.
Një gjë e tillë duket se nuk i ka pëlqyer aspak argjentinasit që tashmë ka vendosur të mos pranojë rinovimin dhe dëshiron të dërgjojë oferta të reja. Mediat italiane bëjnë me dije se në garë për të marrë shërbimet e tij është futur edhe Interi.
Drejtuesit zikaltër kanë nisur kontaktet me agjentin e tij, Antun dhe i kanë prezantuar ofertën. Për Dyabal, Interi ka ofruar një kontratë 5-vjeçare me pagë 7.5 milionë euro plus dy të tjera në formë bonusesh. Agjenti i lojtarit pritet të jetë në Itali në fund të muajit janar dhe do të ulet të diskutojë me Juventusin, por edhe me Interin.
Lexo gjithashtu
