Tirana arriti të fitojë titullin kampion në Superiore këtë sezon, me bardheblutë që prej disa javësh tashmë janë pa objektiv. Edhe pse sezoni nuk ka mbaruar ende, te Tirana kanë luksin të fillojnë përgatitjet edhe për sezonin e ri.
Të gjithë sytë do të jenë te merkato e Tiranës, pasi bardheblutë do të jenë ata që do të marrin pjesë në Champions League. Një ndër emrat e përfolur për t’iu bashkuar bardhebluve, është Gjelbrim Taipi. Siç raportojne mediat e shkruara, mefushori do të largohet nga Kukësi, pas përfundimit të kontratës dhe Tirana është ekipi ku pritet të transferohet.
Gjelbrim Taipi, 29 vjeç, ka luajtur 33 ndeshje në Superiore këtë sezon me fanellën e verilindorëve, duke shënuar 6 gola dhe duke dhënë 3 asiste. Do ishte një përforcim i bardhebluve afrimi i Taipit në ekip, por deri më tani, ende nuk ka zyrtarizim nga palët.
Loading ...
