Elseid Hysaj ende nuk ka firmosur kontratën e tij të re, më saktë rinovimin me Napolin. Është agjenti i tij, Mario Giuffredi, i cili bën njoftimin për mediat në saj të rejave më të fundit për Hysajn. Në një deklaratë të dhënë për radio "Kiss Kiss Napoli", Giuffredi është shprehur se brenda kësaj jave do të firmoset kontrata, ndërsa për klauzolën, ai ia ka lënë klubit që ta zbulojë.
"Për rinovimin e kontratës së Hysajt kemi gjetur akordit mbi gjithçka dhe presim që ta zyrtarizojmë. Hysaj dëshiron që të firmosë rinovimin këtë javë, por kjo mund të shtyhet dhe për disa ditë, por kjo nuk përbën problem. Klauzola? Do të jetë prezente në kontratë, por preferoj që ta komunikojë klubi", deklaroi agjenti i mbrojtësit të kombëtares kuqezi.
Poll
