Trajneri i Napolit Carlo Ancelotti u shpreh se pavarëisht paraqitjeve luhatëse të ekipit të tij nga java në javë, ai beson se kontigjenti është i aftë të arrijë rezultatet dhe nivelin e sezonit të kaluar.
Tekniku veteran deklaroi pas ndeshjes së vështirë me Bolonjën, e cila u fitua në frymën e fundit nga "të kaltrit" i dha besimin plotë kontigjentit që ka në diszpocion. E përkthyer ndryshe, Napoli beson maksimalisht te mbrojtësi kuqezi Elseid Hysaj, i cili pretendohet se nuk do të jetë më pjesë e ekipit napolitan.
"Jemi në një nivel me sezonin e shkuar. Bëmë një paraqitje të parë perfekte dhe djersitëm shumë nga lufta për titull me Juventusin. Jemi më afër vendit të parë sesa të pestit, kështu që të shohim përpara. Në Champions League bëmë maksimumin brenda potencialit tonë. Ky ekip do të përmirësohet, jam i sigurtë. Kam gjetur një ambjent të bukur, grupi është i shëndetshëm. Janë të gjithë të përulur dhe modestë. Secili është i përkushtuar, janë seriozë. Puna ime po merr formë.
Kemi ndryshuar diçka në krahasim nga sezoni i kaluar dhe ekipi është përshtatur më së miri", deklaroi ish-trajneri i Milanit, Chelseat, PSG-së, Real Madridit dhe Bayern Munich.
Hysaj sot u la në stol nga Ancelotti dhe kjo shton dyshimet se këto janë ditët e tij të fundit të qëndrimit në Itali.
Megjithatë, fjalët e fundit të fituesit të 3 Champions League-ave si trajner tregojnë shenja mirëkuptimi mes palëve.
Lexo gjithashtu
