Trajneri i Ballkanit, Ilir Daja, ka dhënë prononcimin e tij për mediet pas humbjes 5-3 ndaj Llapit në kampionatin e Kosovës. Kjo është disfata e parë për këtë sezon në Superligë e Ballkanit dhe Daja nuk është i habitur duke u shprehur se pritej që kjo të ndodhte në një moment.
Pavarësisht 5 golave të pësuar, Daja vlerëson mundin e lojtarëve të tij të cilët vijnë nga një ngarkesë e madhe pas kalendarit të ngjeshur me ndeshjet europiane.
“E dinim se do të vinte humbja e parë për ne. Luajtëm mirë, por nuk ishte ndeshja më e mirë e sezonit. Bëmë gjithçka për ta barazuar rezultatin në 2:2. Kemi pasur edhe raste tjera për përmbysje të rezultatit. Ndoshta kjo mund të ishte një lloj gabimi në këtë ndeshje.
Por, pavarësisht ngarkesave lojtarët dhanë maksimumin. Kemi bërë të mundur ta vazhdojmë ritmin e mirë në lojë. E kontrolluam lojën, por në futboll ndodhin edhe të tilla situata ku mund të ndëshkohesh”, tha Daja pas ndeshjes.
Lexo gjithashtu
