Trajneri i Tiranës, Ardian Mema, pas humbjes ndaj Kukësit, për Supersport është shprehur se skuadrës i ka munguar qetësia në momentin kur pësoi golin.
"Kam qenë brenda dhe nuk e di se çfarë ndodhi. Isha me ato streset e lojës dhe nuk e kuptova këtë pjesë. Kukësi ka lojtarë të mirë. Na mungoi qetrësia, duhet ta pranojmë këtë. Goli na shokoi të gjithëve. Në pushim i flisja lojtarëve për qetësi. Futbollistët duhet të jenë të përqendruar dhe tëshohin si reagojnë pas golit. Nuk e realizuam dot golin më herët. Mendoj se duhet të përgatitemi për çdo gjë. Qetësia duhet të ruhet në çdo moment. Kemi pasur raste për shënim me Kobinën. Rastet në çdo ndeshje janë 2 ose 3 dhe duhet t'i shfrytëzojmë ato. Kukësi na gjeti në superioritet në kundërsulm dhe këtë gjë më duhet ta shoh më mirë. Duhet të jemi në ekuilibër, duke menduar në pjesën prapa se çfarë ndodh. Pritshmëritë tek Tirana dhe humbjet të ulin me këmbë në tokë. Është zmadhuar shumë opinioni, Tirana kampion etj, por duhet t'i shohim gjërat me radhë dhe të ulemi me këmbë në tokë. Do shohim në ditët në vazhdim dhe me Partizanin ishalla të bëjmë një kthesë", është shprehur Ardian Mema.
Lexo gjithashtu
