Futbollisti i Shqipërisë dhe Dinamo Bucurestit Naser Aliji ka pësuar një transformin të madh në jetën e tij pas humbjes së të atit dhe qëndrimit larg fushave për një kohë të gjatë.
25-vjeçari rrëfeu në një intervistë se tashmë ai jeton me realitetin dhe nuk ushqen më ëndrra.
"Kam ndaluar së ëndërruari. Tani dua vetëm ta shijoj futbollin. Kam pasur shumë probleme në dy vitet e fundit dhe kam kuptuar se e tashmja duhet shijuar. Në çdo ditë duhet të japësh maksimumin. Nuk e them këtë vetëm se im atë u nda nga jeta së fundmi.
Kam parë të gjitha pjesët e këqija të futbollit gjatë dy viteve të fundit dhe kam kuptuar se të ardhmes nuk i dihet kurrë. Sot je këtu, nesër jo", deklaroi mbrojtësi i majtë.
Aliji ishte njëri prej lojtarëve më të përzgjedhur të ish-trajnerit të Shqipërisë Gianni De Biasi. Ai debutoi në 2015 me fanelën kuqezi dhe u grumbullua dhe për kampionatin europian të 2016. Për 5 muaj, Aliji nuk luajti pasi prishti kontratën me Virtus Entellën dhe qëndroi pranë të atit që vuante nga kanceri. Ai vdiq papritur në verë.
Firmosja me Dinamo Bucurestin shihet si sinjal shprese për futbollistin që konsiderohej si pasardhësi i denjë i Ansi Agollit.
Lexo gjithashtu
