Higuain del nga goja e kritikëve

Më në fund Higuain! Festa tradicionale ka vazhduar në Villar Perosa, ku është zhvilluar sfida mes Juventus A dhe atij B. Në minutën e 40 të pjesës së parë u regjistrua dhe rrjeta e parë me fanellën bardhezi për “Pipita”-n.

Kryegolashënuesi në fuqi i Serie A dërgoi sferën në rrjetë duke iu mbyllur gojën kritikëve, të cilët e kishin vendosur në shënjestër për formën e tij. Sot ka qenë përgjigja e tij e parë, duke pritur ndeshjen e radhës, e cila është më e rëndësishme.