Mbrojtësi i Tiranës dhe i Kombëtares shqiptare deklaroi ditën e djeshme se Minisitri Cakaj me ardhjen e tij në detyrë u kishte hequr pasaportën diplomatike lojtarëve të Kombëtares. Kur Shqipëria arrit majën duke shkuar në Euro 2016 të gjithë lojtarët u pajisën me pasaport diplomatike, por tashmë janë hequr të gjitha nga Ministri Cakaj. Lidhur me deklaratën e Lilës ka reagur edhe Petrit Vasili.
Ish-kreu i Grupit Parlamentar të LSI, Petrit Vasili e konsideron turp dhe marrëzi heqjen e pasaportave diplomatike.
"Heqja e pasaportave diplomatike për heronjtë Kombëtares Kuq e Zi turp dhe marrëzi! Nuk kanë nevojë djemtë e shkelqyer të Kombëtares për pasaportat diplomatike, por ka nevojë shteti për t'i dhënë vlerë asaj pasaporte. Andi Lila me shokë ju jeni heronjtë tanë që mbrojtët simbolet në mes të Beogradit. Dhe ky Edi Rama që i jargavitej Kombëtares kur kualifikohej në Europian që të rrëmbente ndonjë llokme lavdie. Turp e faqe e zezë. P.S Nuk besoj se ky Edi Rama do të ketë fytyre t'i afrohet më Kombetares, pas këtij turpi që nuk shlyhet dot kurrë", deklaron Vasili.
