Guerrilsat i bëjnë thirrje tifozëve të kuq: Kanë mbetur vetëm 1 mijë bileta

Nesër, Partizani do të luajë kundër Kukësit në kuadër të javës së 32-të të Superiores. Për këtë takim tifo-grupi “Ultras Guerrils” po bën përgatitjet e duhura për të dhuruar spektakël në shkallët e stadiumit “Selman Stërmasi”. Ndërkohë që biletat janë shitur në kohë rekord, ata i bëjnë thirrje mbështetësve të tjerë që ende nuk kanë marrë një biletë për këtë përballje teksa shkruajnë në facebook: “Neser ne stadium do te jete nje vullkan i vertete! Biletat ne tribunen karshi jane drejt perfundimit. Sapo ka nisur shitja e sektorit G, ndersa te gjithe sektoret e tjere jane te shitur. Nxitoni te merrni bileten tuaj pasi ne tribunen perballe kane mbetur me pak se 1000 vende”.

Ndeshja Partizani-Kukësi është vendosur të zhvillohet në orën 19:00, në stadiumin “Selman Stërmasi” në kryeqytet.