Grent Halili tregon fjalët e babait: Në fushë nuk jam djali i presidentit,ja ç’më ka thënë ai

Grent Halili ka folur pas ndeshjes me Kukësin. Sulmuesi i Tiranës deklaroi për mikrofonin e Supersport:

“Është e vërtetë që kjo ndeshje ishte delikate për ne, pasi Kupa është rruga më e shpejtë për të shkuar në Kupat e Europës. Shpresoj të vazhdojmë kështu, pasi tashmë na ndryshon morali.

Nuk desha ta prek këtë temë, pasi në fushë jam si gjithë të tjerët. Kjo pjesa që jam djali i presidentit, më motivon që të punoj më shumë.  Edhe ai më ka këshilluar që duhet të jap maksimumin. Unë shpresoj që të vazhdoj mbarë në kampionat, por gjithashtu edhe në Kupë”, përfundoi Halili.