Muamer Svraka është goditja e radhës e Gjilani në merkato. Mesfushori boshjak ka arritur marrëveshjen me skuadrën e drejtuar nga Gentian Mezani dhe shumë shpejt pritet zyrtarizimi.
Siç raporton “Gazeta Sheshi”, Svraka do të vihet nën urdhrat e trajnerit shqiptar dhe shihet si një goditje e madhe për të garuar për titullin kampion.
31-vjeçari ka një karrierë të pasur e hapat e parë i nisi në skuadrën e Zeljeznicar në Bosnje për të vazhduar më pas te skuadra tjetër boshnjake te Travnik. Vitet e arta të karrierës së tij ai i kaloi në futbollin kroat dhe atë polak, ndërkohë që ka luajtur edhe në Iran, Estoni, Sllovaki dhe së fundmi në Matlë.
Mesfushori gjithashtu ka luajtur edhe me kombëtaren e Bosnje-Hercegovinës ku ka luajtur në 6 ndeshje dhe ka shënuar 2 gola. Pas Plakut dhe Nikac, Svraka është goditja e 3 e Mezanit në këtë merkato.