Ndeshjen e parë të Shqipërisë në një kampionat europian do të gjykojë spanjolli Karlos Velasko Karbalo. Një gjyqtar me përvojë, por që dallohet për dhënien me shumë lehtësi të kartonëve, madje edhe duke qeshur, ndaj dhe Lorik Cana me shokë duhet të kenë shumë kujdes, për të mos i komplikuar situatat gjatë ndeshjes me Zvicrën. Ndihmës të Karbalos do të jenë Fernandez dhe Jimenez, pas porte Manzano dhe Del Çerro, të gjithë spanjollë. Gjyqtar i katërt është holandezi Pol Van Boekel, kurse gjyqtari rezervë është Ervin Zeinstra.
