Krijimi i Superligës është nja nga temat kryesore që është diskutuar vazhdimisht në futboll. FIFA dhe UEFA kanë qenë që në fillim kundër idesë së Superligës, por gjykata e Madridit ka dhënë vendimin e saj, sigurisht që nuk do iu pëlqejë aspak dy institucioneve më të larta të futbollit.
Gjykata Tregtare e kryeqytetit spanjoll në fakt ka pranuar ankesën e “A22Sports”, ku Superliga mund të ekzistojë dhe klubet që janë ende pjesë e saj nuk mund të sanksionohen nga UEFA dhe FIFA përndryshe, parimi i meritës që informon ligji i konkurrencës do të shtyhej.
Ky zhvillim i ri u raportua nga Ben Jacobs i CBS Sports, i cili ndau detaje në lidhje me disa nga dokumentet gjyqësore nga kjo çështje. FIFA dhe UEFA nuk mund të justifikojnë sjelljen e tyre kundër konkurrencës sikur të ishin të vetmit ruajtës të disa vlerave evropiane. Prandaj, vendimi urdhëron që të dyja institucionet të përmbahen nga miratimi i çdo mase apo veprimi dhe nga nxjerrja e ndonjë deklarate që pengon në mënyrë të drejtëpërdrejtë ose tërthorazi, përgatitjen ose zhvillimin e Superligës.
Turneu u krijua për të ofruar një ligë të re futbolli, e cila do të ishte më e frytshme financiarisht për klubet. Anëtarët themelues të kompeticionit ishin Manchester United, Liverpool, Manchester City, Chelsea, Tottenham, Arsenal, Milani, Interi, Atletico Madrid, Real Madrid, Barcelona dhe Juventus.
Por, nga këto 12 klube, nëntë u larguan nga Superliga, me projektin që zgjati vetëm 48 orë pasi u lansua në vitin 2021. Por, Real Madridi, Barcelona dhe Juventusi mbetën ende të përkushtuar ndaj projektit.
Lexo gjithashtu
