Gëzon Partizani, Sormani mëson lajmin e madh

Partizani do të luajë mbrëmjen e sotme me Salzburgun, një takim i vlefshëm për raundin e tretë eliminator të Champions League. Para kësaj sfide, tekniku Adolfo Sormani e kishte grupin të paplotë pasi Batha dhe Krasniqi vuanin nga një dëmtim.
Megjithatë një ditë para sfidës, trajneri italian ka marrë ok-në nga lojtarët dhe tashmë ata priten të jenë në dispozicion të tij që nga minuta e parë e ndeshjes. Nuk dihet nëse Sormani do të rrezikojë me Bathën për ta futur si titullar, pasi gjendja e tij ishte pak më e rëndë se e Krasniqit duke qenë se gjirokastriti kishte probleme me kaviljen.
Por trajneri i kuq duket se do t’i mbetet besnik formacionit të Budapestit dhe me shumë gjasa, Batha edhe kësaj here do t’i duhet të sakrifikojë për fanellën e skuadrës së tij.