Genc Tomori e ka me Dervishin dhe Dostin, ja reagimi e drejtorit të kuq

Dritan Dervishi doli ditën e djeshme në akuza të drejtpërdrejta për trajnerin e Partizanit, Adolfo Sormani, duke e quajtur atë fajtorin kryesor të eliminimit të të kuqve nga Champions League, në ndeshjen kundër Salzburgut. I menjëhershëm ka qenë edhe reagimi i Genc Tomorrit, drejtorit aktual të Partizanit, i cili është shprehur për panorama sport, se te Partizani nuk ka gabime individuale, por gabim i të gjithë ekipit, duke i dalë në këtë mënyrë në mbrojtje “timonierit” italian.
“Njerëzit janë të lirë të flasin, si Dervishi, apo ish-sulmuesi i Partizanit, Edmond Dosti. Secili mund të japë mendimin e tij, por Atanda është pjesë e ekipit. Në futboll nuk humb lojtari, por i gjithë ekipi. Kështu që edhe Atanda është pjesë e skuadrës si në fitore dhe në humbje. Partizanin e këtij viti më shumë e shikoj si kolektiv dhe jo nga individët”, përfundoi drejtori i përgjithshëm i Partizanit.