Katar 2022
Gaz Demi ka dhënë një prononcim për RTSH Sport ku ka folur për situatën aktuale në të cilën gjendet Partizani. Presidenti i të kuqve e thekson se skuadra e tij është në ngritje vit pas viti, por gjithashtu ironizon Federatën Shqiptare të Futbollit, teksa thotë:
“Më ka bërë përshtypje deklarata e fundit e presidentit të Komitetit të Arbitrimit Tahir Kastrati, i cili së fundmi i ka kritikuar të gjithë arbitrat për ndeshjet e Javës së 34 të kampionatit. Nuk dua të merrem me arbitrimin.
Kastrati i ka bërë thirrje edhe presidentëve të klubeve të jenë sa më bashkëpunues dhe ti denoncojnë me fakte , sigurisht nëse kanë, gjyqtarët e korruptuar.
Them se më parë Kastrati duhet ti bëj thirrje presidentit të vet të FSHF-së dhe vetes së tij meqë është edhe president i Komitetit të Arbitrimit , në mënyrë që ta rregullojnë këtë punë sa më mirë.
– Sa e kanë sfiduar Partizanin aleancat e rivalëve?
Është një Partizan që po ngrihet nga dita në ditë më i mirë. Këtë punën e aleancave nuk dua ta dëgjoj se çfarë bëjnë të tjerët , ne si Partizan do të jemi gjithmonë në garë sipas rregullave.
Partizani do të jetë mbi nivelin e Federatës Shqiptare të Futbollit, kjo është e sigurtë”, ka përfunduar ai.
