Gattusso përgatit rikthimin e madh te skuadra e Milanit

Gennaro Gattusso pritet të rikthehet te Milani në postin e trajnerit të ekipit të moshave.

Sipas mediave italiane, ish-mesfushori i skuadrës kuqezi do të marrë këtë detyrë gjatë muajve në vazhdim, duke bërë kështu një rikthim të madh në klubin ku u bë i famshëm si futbollist.

Gattusso nuk arriti të shpëtonte Pisën nga rënia në kategorinë e tretë këtë sezon, sepse pas shumë vështirësive ekonomike, ekipi ku bënte pjesë edhe Edgar Çani, Rey Manaj dhe Samir Ujkani nuk mbijetoi në Serinë B.