Interi po bën një kampionat të mirë deri më tani pasi është skuadra e vetme që po rivalizon Juventusin. Zikaltërit ndodhen në krye së bashku me bardhezinjtë, ndërsa Conte ka kërkuar me çdo kusht merkato. Në sfidën e radhës ndaj Genoas, Interi do të ketë pothuajse një formacion jashtë për shkak dëmtimesh apo edhe kartonash.
Drejtuesit e klubit janë gati për të shpenzuar në merkato dhe siç raportojnë mediat italiane janë gati 50 milionë euro. Emrat e parë janë, Vidal, Marco Alonso, Kulusevski apo edhe De Paul që jaën vënë në shënjestër të drejtuesve të klubit. Tashmë mbetet për t’u parë se cilat do të jenë afrimet në merkaton e janarit pasi Interit pritet të jetë rivali I Juventusit në garën për titullin kampion.
