Gashi kthehet në Europë, e thotë “Gazzetta dello Sport”

Shkëlzen Gashi mund të lërë Amerikën dhe të luajë në Europë sezonin e ardhshëm. “La Gazzetta dello Sport” shkruan se Peskara, skuadra e Ledjan Memushajt, që është ngjitur në Serinë A, po interesohet gjithmonë e më shumë për futbollistin e Kolorado Rapids në USA. Edhe pse në Francë nuk luajti, madje u bë protagonist negativ në një moment ndaj Zvicrës për kuqezinjtë, ish-lojtari i Bazelit duket se intrigon edhe skuadra të kampionateve më të forta, siç është Seria A. Nuk është çudi që ai të luajë me Memushajn sezonin e ri.