Marash Kumbulla ishte një nga më të mirët mbrëmë në ndeshjen e Shqipërisë kundër Polonisë. Pavarësisht se ekipi ynë përfaqësues u mposht nga polakët me rezultaitn 1-0, qendërmbrojtësi i përfaqësueses sonë tregoi një nivel të jashtëzakonshëm. Arriti të markonte më së miri një nga sulmuesit më të mirë në botë, si Robert Lewandowski.
Lojtari i Bayern Munchen u bë inekzistent në fushë falë cilësive të 21-vjeçarit të prapavijës sonë. Në çdo dyluftim arriti të fitonte, inteligjent në vendosje duke lexuar më së miri aftësitë e kundërshtarit. Kapiteni i Polonisë nuk arriti të godiste një herë në portën e ekipit tonë përfaqësues. Padyshim ndeshja më e mirë e Marash Kumbullës me kuqezinjtë e Edi Rejës. Edhe sipas "Sofascore", ai ishte një nga lojtarët më të vlerësuar me notën 7.1
