Futbollisti i Kukësit respekton Starovën: E kam pasur profesor, ky është gjykimi im

Ylli Shameti është i ftuar në emisionin “Ora Skaner” në Ora News. Qendërmbrojtësi i Kukësit po fliste për ndeshjen kundër Partizanit, konkretisht për deklaratën e Starovës pas takimit ku tha se në këtë sezon kishte aleanca.

Shameti iu shmang deklaratës së Starovës teksa tha:  “Unë nuk mund të merrem me atë që thotë profesor Starova. Unë kam respekt për të, pasi e kam pasur trajner por gjithashtu e respektoj edhe për atë që ka bërë te Partizani duke arritur në këto nivele. Mund të flas për Kukësin dhe mendoj se kemi bërë shumë mirë, por ende asgjë nuk ka mbaruar”, ka deklaruar Shameti.