Bundesliga njihet si një nga strehat e shumë lojtarëve shiqptar që janë aktivizuar ndër vite. Aktualisht në radhët e Augsburg bën pjesë, Elvis Rexhbecaj. I lindur në Prizren dhe prej vitesh shtetas gjerman, Elvisi është kthyer në një nga lojtarët më kryesorë të ekipit të Augsburg, ku në takimin e fundit të Bundesligës mbajti dhe shiritin e kapitenit.
“Ai është përshtatur shumë shpejt. Merr detyra të menaxhimit, flet shumë dhe e shtyn ekipin para. Ai ka përparuar në javët e fundit dhe i merr të tjerët më vete. Kështu që vendimi që ai të bëhet kapiten ishte i lehtë”, ka thënë trajneri i Augsburgut, Enrico Maasen.
Vlersimi në klub ndaj lojtarit me origjinë shqiptare, që aktualisht nuk është pjesë e asnjë kombëtareje, është i madh dhe cilësohet si kapiteni i ardhshëm, pa harruar faktin që është vetëm 24 vjeç. Kosova ka shprehur shumë herë interesin, por akoma nuk ka asgjë zyrtare.
FOTO:
Lexo gjithashtu
