Arbi Laçi është larguar drejt Nigerisë, së paku kështu tregon në rrjetet sociale. Ish-drejtori sportiv i Tiranës, tashmë në rolin e shefit të sektorit të garave në Ligën Profesioniste, duket se nuk heq dorë nga pikasja e talentëve. Ai aktualisht ndodhet në Ibadan të Nigerisë duke ndjekur një ndeshje në shtetin afrikan.
Ndoshta 32-vjeçari ka synime të qarta për të ardhmen, por që momentalisht ka preferuar t'i mbajë për vete. Kujtojmë që Arbi Laçi ishte një nga njerëzit që dha një kontribut të rëndësishëm në rikthimin e titullit kampion pas 11 vitesh te Tirana. Në pozicionin e drejtorit sportiv, së bashku me trajnerin Egbo dhe me mbështetjen e presidentit Halili arritën të krijonin një skuadër kompetitive duke surprizuar gjithë sportdashësit shqiptarë.
Pas përfundimit të sezonit, saktësisht në fillim të edicionit të ri, ai dhe kreu i klubit bardheblu zgjodhën t'i jepnin fund bashkëpunimit. Tashmë në një pozicion të ri, sërish në shërbim të futbollit, Laçi këtë radhë ka preferuar të udhëtojë drejt Afrikës, pse jo, për të pikasur ndonjë talent që do të pasuronte cilësinë e futbollit tonë.
Lexo gjithashtu
