Watford zhvilloi sot takim miqësor përballë Southampton, që përfundoi me shifrat e bardha 0-0. Rey Manaj u aktivizua titullar, duke luajtur pjesën e parë. Me fillimin e 45 minutave të dyta ishte ai zëvendësimi i parë, ku i la vend Asprillas. Sulmuesi shqiptar e ka quajtur miqësore të mirë këtë takim.
“Miqësore e mirë sot! Më e mira do vijë në vazhdim, ju presim të hënën për të marrë fitoren e parë në shtëpi me tifozët tonë”, shkruan në rrjetet sociale 25-vjeçari. Kujtojmë se takimi i parë në Championship për Watford zhvillohet më 1 gusht kundër Sheffield United.
