Rei Manaj ka nisur përgatitjet me skuadrën B të Barcelonës, ndërsa shfaqet në formë të mirë. Sulmuesi i kombëtares kuqezi ka postuar një foto në rrjetet sociale ku duket i qeshur. Komentet kanë qenë të shumta, ndërsa bien në sy ato të Endri Çekiçit dhe Keidi Bares.
Të dy lojtarët kërkojnë të motivojnë lushnjarin. “Qesh vëllai im”, i shkruan pogradecari Çekiçi, ndërsa pak më poshtë është Bare: “Qesh, në majë”. Edhe pse emri i tij është lakuar nga mediet e huaja në mënyrë satirike, duket se Manaj nuk lëkundet dhe kërkon t’i përgjigjet të gjithëve në fushën e blertë.