Fitorja kundër Kamzës nuk ishte lajmi i vetëm i mirë për Partizanin dhe trajnerin Skënder Gega ditën e sotme. Kjo pasi te të kuqtë ka mbërritur sot dhe një lojtar mjaft i rëndësishëm që u ka munguar shumë kryeqytetasve sezonin e shkuar.
Bëhet fjalë për brazilianin Lukas Kardozo, i cili ka udhëtuar ditën e sotme drejt Tiranës për tu bashkuar me skuadrën pas një mungese të gjatë. Këtë gjë e ka bërë të ditur vetë lojtari me anë të një fotoje të postuar në Instagram. Sulmuesi që luan dhe në krah, erdhi te Partizani në Janar të këtij viti, por aktivizua shumë pak për shkak të një dëmtimi të rëndë që pësoi.
Megjithatë duket se drejtuesit e të kuqve kanë besuar shumë te aftësitë e 24-vjeçarit duke pritur deri në riaftësimine tij të plotë, diçka e rrallë për hir të së vërtetës për ekipet shqiptare. Kështu ai do të jetë i gatshëm për trajnerin Gega për sfidat e rradhës në kampionat, duke pritur me padurim ta shohim atë sërish në fushën e blertë.
Loading ...
