Eneo Bitri ishte një nga lojtarët e ftuar nga kombëtarja shqiptare në miqësoret e zhvilluara me Katarin dhe Arabinë Saudite. Ish kapiteni i Partizanit ka bërë një postim në rrjetet sociale ku bëhet nostalgjik pikërisht për këtë periudhë me kuqezinjtë.
Ai ka risjellë në vëmendje të ndjekësve një foto ku shfaqet duke i ndërhyrë Armando Brojës gjatë një seancë stërvitore.
Duket si një mesazh ky për trajnerin e ri të kombëtares shqiptare, Sylvinho, që ta ketë në konsideratë për grumbullimet e radhës të kuqezinjve. Pritet me interes të shihet nëse braziliano do ta ftojë ose jo Bitrin, që tashmë është transferuar te Banik Ostrava në kampionatin çek.
